حوزہ نیوز ایجنسی کی رپورٹ کے مطابق عراق کے دارالحکومت میں سعودی عرب کے سفارتخانے کے سامنے سینکڑوں عرا قیوں نے روزنامہ “الشرق الاوسط” کی آیت اللہ سید علی سیستانی کی اہانت کے اقدام کے خلاف مظاہرہ کیا۔
مظاہرین نے عراق کے داخلی امور میں سعودی عرب کی مداخلت اور اس کے میڈیا پر عراق کے مذہبی رہنماؤں کی توہین کی شدید مذمت کی۔
ادھر عراقی سکیورٹی فورسز نے مظاہرین کو سعودی عرب کے سفارتخانے کے سامنے سے منتشر کرنے کے لیے گرم پانی کا استعمال کیا۔
یاد رہے کہ سعودی عرب کے روزنامے “الشرق الاوسط” نے گزشتہ جمعہ کو آیت اللہ سید علی سیستانی کی توہین آمیز کارٹون شائع کیے تھے جس کے خلاف پورے عراق میں غم و غصے کی لہر دوڑ گئی ہے۔
